Planu Estratéjia Dezenvolvimentu Rezultadu (PERD-R) 2023-2038
Planu ida, Vizaun ida ba Futuru Timor-Leste Sustentável
Planu Estratéjia Dezenvolvimentu Rezultadu (PERD-R) 2023-2038
SUMÁRIU EZEKUTIVU
Ita orgulla ho progresu di’ak sira ne’ebé alkansa ona iha área oin-oin liuhusi implementasaun Planu Dezenvolvimentu Nasionál (PDN) 2002-2020 no Planu Estratéjiku Dezenvolvimentu (PED 2011-2030). Maibé, ita konxiente katak, ita sei hasoru nafatin dezafiu oin-oin ho ekonomia dependente nafatin
ba fundu petrolíferu, ho problema ki’ak no mós dezempregu ne’ebé agrava liután tanba impaktu husi pandemia COVID-19 no inundasaun 4 Abril 2021.
Nune’e, Planu Estratéjiku Dezenvolvimentu Reajustadu ba 2023-2038 (PED-R 2023-2038) artikula objetivu boot no diresaun estratéjika sira hodi responde ba dezafiu hirak ne’e, no realiza vizaun futura katak: ‘’To’o 2038, Timor-Leste ho sosiedade no sidadaun ida-idak sei moris saudável, síviku, dignu, reziliente no prósperu ho rendimentu sustentável’’.
Vizaun ida ne’e reflekte aspirasaun hato’o husi Povu liuhusi konsulta públika iha nível hotu-hotu. Opsaun ba futuru di’akliu mak dezenvolvimentu sustentável hodi konkretiza objetivus Estadu nian tuir Konstituisaun RDTL haruka. Ho Planu reajustadu ida ne’e, ita sei lori ba oin dezenvolvimentu interligadu no ekilibradu entre dimensaun sosiál, ambientál, no ekonómika, ne’ebé tanen aas relasaun ‘ema, natureza no dame’. Nune’e, ita sei hala’o polítika sira ne’ebé garante balansu ho meiu-ambiente atu hasees husi destruisaun ekosistema, no kria kondisaun ba ema hotu partisipa no benefisia husi prosesu dezenvolvimentu ba moris di’ak, hakmatek no dignu.
Haktuir kompromisu internasionál sira ne’ebé Timor-Leste adopta ona, dokumentu estratéjiku ida ne’e konsidera mós ajenda globál no rejionál sira ba dezenvolvimentu hodi asegura harmonizasaun metas no indikadores, inklui Ajenda Global - Objetivus Dezenvolvimentu Sustentável (ODS) husi ONU, Akordu Paris kona-ba mudansa klimátika, no konvensaun internasional sira seluk.
PED-R 2023-2038 define medida estratéjika sira atu lori Timor-Leste ba futuru ida ne’ebé nabilan, tuir povu nia mehi atu moris ho kualidade di’akliu, livre husi kiak, hamlaha no dezigualidade, no Nasaun bele haburas babeibeik ho ekonomia ida ne’ebé sustentável no nune’e, benefisia povu tomak, ohinloron no aban bairua.
Bele mós asesu dokumentu Planu Estratéjiku Dezenvolvimentu-Reajustadu 2023-2038 iha portál Ministériu Planu no Ordenamentu iha link tur mai:
Fontes : https://mpo.gov.tl/ped-r-2023-2038/
